Oraldyq turǵyn Armenııada urlanǵan avtokólikti zańdastyrǵysy kelgen
BQO polıtsııa departamentiniń baspasóz qyzmetkeri Darıǵa Májıtovanyń aıtýynsha, 17 aqpan kúni ıesi zańdastyrýǵa ákelgen «Ford Explorer» avtokóliginiń Armenııada urlanǵany anyqtaldy.
«Sonymen qatar 16 aqpanda»Shevrolet Kobalt«avtokóliginiń shanaq nómirin qoldan jasaý deregi belgili boldy. Onyń qujattarynda da sáıkessizdikter bar. Eki avtokólik saqtaý qolhatymen qazirgi ıelerine qaldyryldy. Atalǵan derekter boıynsha QR QK 385-baby 3-bóligine (kórineý jalǵan qujatty paıdalaný) sáıkes sotqa deıingi tergeý amaldary bastaldy. Bul bap boıynsha aıypty dep tanylǵan adam 160 aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne 160 saǵatqa deıingi merzimge qoǵamdyq jumystarǵa tartýǵa ne qyryq táýlikke deıingi merzimge qamaqqa alýǵa jazalanady», dedi D.Májıtova.
Onyń sózine qaraǵanda, Batys Qazaqstanda osy kezge deıin 3056 avtokólik zańdastyrylsa, sonyń 373-i Armenııadan, 2515-i Reseıden ákelingen. 159-y – Armenııadan jetkizilip, «sary» nómirmen júrgender.
Eske sala keteıik, budan buryn Oralda úsh avtokólik soqtyǵysyp, 3 adamnyń zardap shekkenin jazǵan bolatynbyz.