Oraldyq turǵyn alǵan qaryzy 22 mln teńgege jetkenshe qaıtarmaǵan

ORAL. QazAqparat – Oraldyq turǵyn alǵan qaryzy 22 mln teńgege jetkenshe qaıtarmaǵan, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, 33 jastaǵy er adamnan tanysy 2018 jyly senimine kirip, paıyzben qaryzǵa aqsha alǵan.

Qaryzy óse kele 22 mln teńgege jetken. Osydan keıin jábirlenýshi polıtsııaǵa shaǵym túsirgen.

Qabyldanǵan sharalar nátıjesinde 32 jastaǵy er adam qolǵa túsip, ýaqytsha ustaý ızolıatoryna qamaldy. Onyń basqa da qylmystarǵa qatysy bar-joǵy tekserilýde.

Qazirgi kezde alaıaqtyq deregi boıynsha QR QK 190-baby 4-bóligine sáıkes sotqa deıingi tergeý amaldary júrgizilýde.

Eske sala keteıik, budan buryn Oralda áıeldiń qaryzǵa bergen 14 mln teńgesin ala almaı júrgenin, BQO-da jarty tonnaǵa jýyq balyq tıelgen kólik ustalǵanyn jazǵan bolatynbyz.