Oraldyq turǵyn 17 mln teńgesin qaıda jasyrǵanyn umytyp qalǵan
ORAL. QazAqparat - Oraldyq turǵynnyń «joǵalǵan» 17 mln teńgesin polıtsııa qyzmetkeri taýyp berdi, dep habarlaıdy QazAqparat tilshisi.
Batys Qazaqstan oblystyq polıtsııa departamentiniń baspasóz qyzmetinen túsken málimetke qaraǵanda, oqıǵa 20 mamyr kúni boldy.
Oraldyq turǵyn saǵat 16.30-da 102 telefonyna habarlasyp, úıinde saqtap qoıǵan 17 mln teńgesiniń joǵalyp ketkenin aıtady.
Oqıǵa ornyna kelgen Oral qalasy polıtsııa basqarmasynyń tájirıbeli qyzmetkerlerinen quralǵan jedel tergeý toby aqshany izdeýge kirisedi.
Tehnık-krımınalıst, polıtsııa serjanty Ǵaıneden Ǵumarov ájethanaǵa kirip, muqııat qaraǵan kezde paketti kózi shalady. Sonda oraldyq turǵynnyń 2006 jyldan beri úı alamyn dep jınaǵan qarjysy salynǵan eken.
Keıin málim bolǵanyndaı, oraldyq turǵyn aqshasyn qaıda jasyrǵanyn umytyp qalǵan. Sodan keıin ony urlanyp ketti dep oılap, polıtsııaǵa habar bergen.
Aıta keteıik, Ǵ.Ǵumarov polıtsııa sapyna 2008 jyly kirgen. Atalǵan qyzmetin 2016 jyldyń qarashasynan beri atqaryp keledi.
