Oraldyq sýyq qarýmen ustaldy
ORAL. QazAqparat - Oraldyq 37 jasar turǵyn esirtkige eltigen kúıinde sýyq qarýmen ustaldy, dep habarlaıdy QazAqparat tilshisi.
QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke qaraǵanda, oqıǵa 27 maýsym kúni keshkisin L.Tolstoı kóshesi boıynda oryn aldy.
Saǵat 19.30 shamasynda quramynda leıtenant Maqsat Qýanyshev, qatardaǵy jaýyngerler Aleksandr Ýlıanov pen Nurlanbek Haýmetqalı bar top ratsııamen túsken baǵdar boıynsha jolda qózin dóreki ustaǵan «Lada-2114» avtokóliginiń júrgizýshisin toqtatady.
Ulttyq ulan jaýyngerleri oǵan qoǵamdyq tártipti buzǵandyǵyn aıtyp, qujattaryn kórsetýdi ótindi. Alaıda zańdy talapqa quqyq buzýshy baǵynbaı, bulardy balaǵattaı bastady.
Kýálardyń qatysýymen avtokólikti qaraǵan kezde odan tyıym salynǵan zattar - úsh «Psıhotrop», bir «Fınezepan» tabletkasy, «Pıoner» aerozoldy tapanshasy, qoldan jasalǵan eki pyshaq tabyldy.
37 jasar turǵynnyń esirtkige eltigen kúıde bolǵandyǵy medıtsınalyq kýálandyrýmen rastaldy.
Sýyq qarýmen qolǵa túsken kúdikti polıtsııa qyzmetkerleriniń qolyna tapsyryldy.
