Oraldyq saqshylar taksıstiń kómegimen uryny ustady
ORAL. QazAqparat - Oralda polıtsııa qyzmetkerleri taksıstiń kómegimen uryny ustady, dep habarlaıdy «QazAqparat» tilshisi.
Oral qalalyq ishki ister basqarmasy jergilikti polıtsııa qyzmetiniń aǵa ınspektory, polıtsııa maıory Dınara Ábdilqalyqovanyń aıtýynsha, bul oqıǵa 30 qazan kúni keshkisin boldy. «Hozıaın» saýda úıi mańynda eki jas turǵyn taksıske kelip, uıaly telefondy satyp alýǵa usynys jasaǵan. Qyraǵylyq tanytqan taksıst munyń urlanǵan dúnıe ekenin bilip qalyp, bas tartqan. Sodan keıin ishki ister organyna habarlap, álgi ekeýdiń sońyna túsip, qaıda bet alǵanyn aıtyp otyrǵan. «Galaktıka» saýda úıi, ortalyq meshit mańynda urylar beınebaqylaý kamerasyna túsip qalǵan. Osy jerde bireýi avtobýsqa otyrǵan. Sol kezde polıtsııa qyzmetkerleri avtobýsty toqtatyp, uryny qolǵa túsirdi. Kinásin moıyndaǵan ol budan buryn da osyndaı qylmysy úshin birneshe ret sottalǵan baýkespe bolyp shyqty. Ekinshi kúdikti áli izdestirilýde.
Qyraǵylyq kórsetken taksıst aqshalaı yntalandyrylatyn bolady.
Aıta keteıik, oraldyq saqshylardyń avtobýsty toqtatyp, uryny ustaǵan sátin turǵyndar túsirip alyp, Instagram áleýmettik jelisine jarııalap jibergen.
