Oraldyq saqshylar qaraqshyny qylmystyń izin sýytpaı, ustady
ORAL. QazAqparat - 9 mamyr kúni saǵat 02.00 shamasynda belgisiz bireý Qurmanǵazy kóshesi boıyndaǵy «Karına» dámhanasynyń janynda Oral qalasynyń 1985 jylǵy turǵynynyń 84 myń teńgesin kúsh kórsetip, tartyp alyp ketken, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, quramynda bólimshe komandıri, polıtsııa starshınasy A.Esenǵazıev pen A.Toǵaı bar jol-patrýldik toptyń jedel áreket etýi nátıjesinde qylmystyń izi sýymaı ashyldy. Atalǵan saqshylar habar alǵan boıda oqıǵa oryn alǵan aýdanǵa baryp, beınebaqylaý kamerasynyń kómegimen 1984 jylǵy A. degen kúdiktini ustady. Keıin jábirlenýshi ózin tonaǵan adamdy tanydy.
Atalǵan qylmys QR QK 191-baby 2-bóligine sáıkes (kisi tonaý) sotqa deıingi tergep-tekserýdiń biryńǵaı tizilimine tirkeldi. Qazirgi kezde Oral qalalyq ishki ister basqarmasynyń ýaqytsha ustaý oqshaýlaǵyshyna qamalǵan kúdiktige qatysty tergeý amaldary júrgizilýde.
