Oraldyq otbasynyń aqshasyn alyp ketken alaıaqtar izdestirilýde - QR ІІM
ASTANA. QazAqparat - Oraldyq otbasyn aldap shaqyryp, aqshalaryn alyp ketken alaıaqtar anyqtaldy. Bul týraly QR ІІM resmı ókili Almas Sadýbaev aıtty, dep habarlaıdy QazAqparat tilshisi.
«Shymkent qalalyq ishki ister departamentiniń polıtsııa qyzmetkerleri oraldyq otbasyn aldap shaqyryp, olardyń aqshalaryn alyp ketken alaıaqtardyń kim ekendigin anyqtady. Qazirgi ýaqytta olardy ustaý sharalary qabyldanǵan. Atalǵan fakti boıynsha sotqa deıingi tergeý amaldary júrgizilip jatyr», - dedi ol.
Almas Sadýbaevtyń aıtýynsha, «Nur Otan» partııasy zardap shekken otbasyǵa qajetti barlyq kómekti kórsetip, tipti emdelýi men turǵan jerlerine ketetin shyǵyndy da tólep bergen.
Aıta keteıik, buǵan deıin birqatar buqaralyq aqparat quraly oraldyq «shyny balanyń» otbasy Shymkentte aqshasyz qalǵanyn jazǵan bolatyn. Belgisiz bireýler sırek kezdesetin aýrýǵa shaldyqqan balanyń otbasyn Shymkentke aldap shaqyryp, aqshalaryn qoldy etip, boı tasalaǵan. Búginde jeti balany ósirip otyrǵan otbasy kómekti qajet etedi. Balaǵa óte qymbat emdeý sharalaryn júrgizý qajet. Balanyń anasynyń bank kartasynyń nómiri mynadaı: Kaspi gold 5169 4931 9076 5696.
