Oraldyq qutqarýshylar taǵy bir balany sýǵa ketýden aman alyp qaldy
ORAL. QazAqparat - Búgin Oral qalalyq mádenıet jáne demalys saıabaǵynda saǵat 15.03 shamasynda 2007 jylǵy bala Shaǵan ózenine sýǵa ketip qala jazdady, dep habarlaıdy «QazAqparat» tilshisi.
BQO TJ departamentiniń baspasóz hatshysy Nurgúl Muqanovanyń aıtýynsha, qutqarýshylar Sergeı Gohgalter men Bekjan Aıtqalıev balalardyń jaıaý júrginshiler kópirinen sekirip, sýǵa túsýge bolmaıtyn jerde shomylyp júrgenin baıqaǵan. Sálden keıin bireýi bata bastaǵan. Qutqarýshylar qaıyqpen jetip, balany sýdan alyp shyqty. Sodan keıin olarǵa eresek adamdardyń qaraýynsyz sýǵa, sonyń ishinde tyıym salynǵan jerge túsýge bolmaıtynyn aıtyp, túsindirdi.
Qutqarylǵan Aldııar esimdi bala Qaztalov aýdany Taldyapan aýylynan kelgen eken.
Eske sala keteıik, budan buryn 6 tamyz kúni qutqarýshylar «Samal-3» shaǵynaýdany mańynda 2005 jáne 2008 jylǵy eki balany Shaǵan ózenine batyp ketýden aman alyp qalǵan bolatyn. Sýǵa túsý maýsymy bastalǵannan beri 20 adam qutqarylsa, sonyń teń jartysynan astamy balalar bolyp otyr.
