Oraldyq qutqarýshylar on jastaǵy balany sýǵa ketýden aman alyp qaldy
ORAL. QazAqparat - Oraldyq qutqarýshylar on jastaǵy balany sýǵa ketýden aman alyp qaldy, dep habarlaıdy QazAqparat tilshisi.
Batys Qazaqstan oblystyq Tótenshe jaǵdaılar departamenti jedel qutqarý jasaǵynyń bas qutqarýshysy Aıagóz Qojanbaevanyń aıtýynsha, oqıǵa 17 shilde kúni qalalyq mádenıet jáne demalys saıabaǵynda boldy.
Saıabaqtaǵy qutqarý beketinde kezekshilikte júrgen bas qutqarýshy Alekseı Alekseev pen Esbolat Qonyspaev jattyǵý kezinde baıdarkadan aýdarylyp qalǵan on jasar balany qutqardy. Balanyń qaıyqqa qaıta mine almaı jatqanyn kórgen qutqarýshylar tez jetip, ony shyǵaryp aldy.
Qutqarýshylar shoshyp qalǵan balany jaǵa jetkizip, qaıyqpen júzgen kezde qaýipsizdik erejesin saqtaý kerektigin aıtty.
Eske sala keteıik, budan buryn Oralda sýǵa batyp bara jatqan er adamnyń qutqarylǵanyn jazǵan bolatynbyz.
