Oraldyq qutqarýshylar 12 jasar balany sýǵa ketýden aman alyp qaldy
ORAL. QazAqparat - 13 maýsym kúni qalalyq mádenıet jáne demalys saıabaǵynda kezekshilik jumystary kezinde qutqarýshy Azamat Qylyshev pen qutqarýshy-medık Aqylbek Saıynov 12 jasar balany sýǵa ketýden aman alyp qaldy, dep habarlaıdy «QazAqparat» tilshisi.
BQO TJ departamentinen túsken málimetke qaraǵanda, ata-anasynyń qaraýynsyz balyq aýlaýǵa barǵan bala dymqyl beton plıtasynan aıaǵy taıyp ketip, sýǵa qulaǵan. Júzý bilmegendikten, sýǵa bata bastaǵan. Dál osy sátte qutqarýshylar balany kórip, sýdan alyp shyǵyp, qaıyqqa otyrǵyzǵan. Qutqarýshylardyń shuǵyl áreketi nátıjesinde bala aman qaldy.
Aıta keteıik, jyl saıyn Batys Qazaqstan oblysynda 20-30 adam sýǵa ketedi. Mundaı oqıǵalarǵa urynbas úshin sýǵa túsý erejelerin qatań saqtaý jáne balalardy qaraýsyz qaldyrmaý qajet.
