Oraldyq kınologtar «Batys» óńirlik qolbasshylyǵy birinshiliginde jeńimpaz atandy
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, Aqtaý, Oral, Aqtóbe, Atyraý jáne Jańaózen qalalarynda oryn tepken 3502, 5517, 6655, 5546, 6656 jáne 5548-áskerı bóliminen kelgen áskerı kınologtar bes kún boıy qyzmettik ıtterdi kúzet-izdestirý, esirtki izdeý jáne mına izdeý dárejeleri boıynsha qoldanýdan synǵa tústi.
Baıqaý maqsaty kınolog mamandardyń kásibı sheberligin jetildirý, qyzmettik ıtterdiń daıyndyq deńgeıin kóterý, jańa ádis-tásilderdi meńgerý jáne tájirıbe almasý bolatyn. Podpolkovnıkter, 6655-áskerı bólim komandıri Erkin Jańabergenov, «Batys» óńirlik qolbasshylyǵy kınologııalyq qyzmet bastyǵy Tımýr Rahımovtyń atap ótkenindeı, qoǵamdyq tártipti saqtaýda, qylmys ataýlymen kúreste qyzmettik ıtter mańyzdy ról atqarady.
Saıys qorytyndysynda komandalyq esepte Oraldaǵy 5517-áskerı bóliminiń kınologtary jeńimpaz atandy. Aqtóbedegi 6655-áskerı bólim komandasy ekinshi, aqtaýlyqtar úshinshi oryndy enshiledi.
Jekeleı synda izdestirý qyzmeti saıysynda oraldyq serjant Artýr Orazov Roı degen ıtimen úzdik shyqsa, mına izdeýde de ol Mechta degen ıtimen aldyna jan salmady. Esirtki izdeýden aqtóbelik aǵa serjant Aqylbek Serǵazıev Essı degen ıtimen ozdy.
Barlyq jeńimpaz-júldegerler kýbok, medaldarmen, gramotalarmen marapattaldy.
