Oraldyq Kaspı termınalyn urlap, satyp jibergen
BQO polıtsııa departamentiniń baspasóz qyzmetinen málim etkenindeı, qaladaǵy dúkenderdiń birinde belgisiz bireý tólem qabyldaıtyn kassada jatqan «Kaspi Pay» termınalyn bildirtpeı jymqyryp ketken. Onyń bul áreketi beınebaqylaý kamerasyna túsip qalǵan.
«Jedel izdestirý is-sharalary barysynda 1983 jylǵy qala turǵyny anyqtalyp, ustaldy. Tekserý barysynda onyń budan buryn da qylmystyq jaýapkershilikke tartylǵany belgili boldy. Kúdikti termınaldy tómen baǵamen satyp jibergen. Ol qylmysty jasaǵan kezde mas kúıinde bolǵan. Atalǵan derek boıynsha QR QK 188-baby 1-bóligine (urlyq) sáıkes sotqa deıingi tergeý amaldary júrgizilýde», dep habarlady vedomstvodan.
Eske sala keteıik, budan buryn oraldyq turǵynnyń Armenııada urlanǵan avtokólikti zańdastyrǵysy kelgenin jazǵan bolatynbyz.
Vıdeo – BQO polıtsııa departamenti