Oraldyq kásipkerdi óltirgenderge shyqqan úkim apellıatsııadan keıin ózgerissiz qaldy

ORAL. QazAqparat – BQO sotynyń qylmystyq ister jónindegi apellıatsııalyq sot alqasynda sottalýshy Turlan Amangeldiniń shaǵymy qaraldy, dep habarlaıdy QazAqparat tilshisi.

QazAqparat budan buryn jazǵandaı, oraldyq kásipker Erkin Muhanǵalıevti óltirgen Rýslan Qojantaev pen Turlan Amangeldi 15 jylǵa bas bostandyǵynan aıyrý jazasyn qaýipsizdigi barynsha joǵary qylmystyq-atqarý júıesi mekemesinde óteýge sottalǵan bolatyn.

BQO sotynyń baspasóz qyzmetinen málim etkenindeı, apellıatsııalyq satydaǵy sot shaǵymdy qarap, úkimdi ózgerissiz qaldyrdy. Tek jazalaryn qaýipsizdigi orta qylmystyq-atqarý júıesi mekemesinde óteýge ózgertildi.

Eske sala keteıik, budan buryn Oralda kásipkerdi óltirgen turǵyndardyń 15 jylǵa sottalǵanyn jazǵan bolatynbyz.

Sondaı-aq Oralda kásipkerdi óltirgen sottalýshynyń biri apellıatsııalyq shaǵym túsirdi.