Oraldyq azamatsha 14 jyl burynǵy kisi óltirý boıynsha polıtsııaǵa óz erkimen keldi
ASTANA. 28 tamyz. QazAqparat - Oral qalasynda 31 jastaǵy áıel adam kisi óltirgenin moıyndap, polıtsııaǵa óz erkimen kelgen.
Ol 1999 jyldyń mamyr aıynda Zelenov aýdanyna qarasty Lıvkıno kentinde janjal sebebinen 1958 jylǵy aǵaıynyn pyshaqtap óltirip, qylmystyq istiń izin jasyrý maqsatynda máıitti adam turmaıtyn úıdiń baqshasyna kómip ketkenin aıtqan. Bul týraly QR ІІM baspasóz qyzmetiniń málimetinde habarlandy.
Tergeý barysynda qyz balanyń oqıǵa oryn alǵan ýaqytta ata-anasymen birge turǵandyǵy, sol kezeńde aǵasynyń uzaq ýaqytqa saparlap kelip, biraq araqqa salynyp, kóp ýaqyt ótpeı oǵan qyryndaı bastaǵany anyqtaldy.
«Qyz bala jábirlenýshiniń basynan kúrekpen uryp, sodan soń birneshe márte pyshaq salǵan. Al ata-anasyna aǵasynyń ketip qalǵandyǵyn aıtqan. Biraq onyń joǵalyp ketkendigi jóninde eshkim ishki ister organdaryna habarlamaǵan», - delingen taratylǵan málimette.
Qyz bala turmysqa shyqqan soń óziniń jubaıyna bolǵan jáıt týraly baıandap beredi. Al kúıeýi iship alǵan kezinde atalǵan oqıǵany polıtsııaǵa habarlaımyn dep qorqytatyn kórinedi.
Máıit qaldyqtary tabyldy. Kúdiktige «eshqaıda ketpeý» týraly qolhat berilgen. Qazirgi tańda tergeý amaldary júrgizilýde.
