Oraldyq áıel jıyrmaǵa jýyq alaıaqtyq jasaǵan
ORAL. QazAqparat - Oral qalalyq ishki ister basqarmasy Abaı polıtsııa bólimi 1975 jylǵy Inna Hazıtskaıaǵa qatysty QR QK 190-baby 2-bólimi boıynsha sotqa deıingi tergeý amaldaryn júrgizýde, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, «MSV Qazaqstan» JShS týrıstik kompanııasynyń quryltaıshysy bolyp tabylatyn atalǵan áıeldiń 2013 jyldan beri jıyrmaǵa jýyq alaıaqtyq jasaǵany tirkelip otyr. Ol shet elderge týrıstik sapardy uıymdastyrý qyzmetin kórsetemin dep, Oral qalasy turǵyndarynyń senimine kirip, qarjysyn ıemdenip ketken.
Qazirgi ýaqytta BQO ІІD I.Hazıtskaıa basshylyq etken «MSV Qazaqstan» JShS áreketinen zardap shekken basqa da adamdardy anyqtap jatyr.
