Oraldyq avtomobılıster kólikterden shyrsha qurastyrdy
ASTANA. QazAqparat - Oralda 40 avtomobılden shyrsha qurastyryldy, dep habarlaıdy «Moı gorod» portaly.
Avtomobıl ıeleri osylaısha qalalyqtardy Jańa jylmen quttyqtady. Oǵan «Official club BMW Ural'sk», «Ýralskıe djıpery», «Cerato klýb Ýralsk», «Kio Rio klýb Ýralsk» jáne «Klýb avtolıýbıteleı» klýbtarynyń ókilderi qatysqan.
«Biz oraldyqtardy Jańa jylmen erekshe quttyqtaǵymyz keldi. Shyrshany qurastyrýǵa 40 mashına jáne 50 adam jınaldy. Buǵan 40 mınýttaı ýaqyt jumsadyq», - deıdi «Official club BMW Ural'sk» klýbynyń múshesi Rýslan Jasaýov.
Úskirik aıazǵa qaramastan, erekshe shyrshany tamashalaýǵa birshama adam jınaldy. Onyń vıdeosy áleýmettik jelige jarııalandy.
