Oraldyń «Jaıyq» klýby Ortalyq Azııa chempıonatynda top jardy
ORAL. KAZINFORM — Maldıv araldarynyń astanasy Male qalasynda voleıboldan Ortalyq Azııa chempıondar lıgasynyń oıyndary máresine jetti.
Atalmysh jarysta barlyǵy alty komanda baq synady.
Fınalda Qazaqstan chempıony «Jaıyq» klýby men «Bishkek» (Qyrǵyzstan) komandasy alańǵa shyqty.
Vıktor Kozık jattyqtyratyn batysqazaqstandyqtar keshe «Bishkekti» 3:0 esebimen utyp, fınalǵa joldama alǵan edi.
«Jaıyq» fınaldyq matchta da sheberliginiń joǵary ekendigin tanytyp, 3:1 esebimen jeńiske jetti.
Osylaısha, oraldyqtar Ortalyq Azııa chempıonatynda úzdik shyqty.
Jarys barysynda «Jaıyq» klýby 6 matchtyń beseýinde qarsylastarynan basym tústi.
Vıktor Kozıktiń sózinshe, shákirtteriniń bul tabysy Azııa chempıondar lıgasyna qazaqstandyq bir klýbtyń qatysýyna múmkindik beredi.
«Jaıyq» voleıbol klýbynyń basshysy Azamat Nurmuhanbetovtiń málim etkenindeı, Vıtalıı Erdshteın Ortalyq Azııa chempıonatynyń úzdik oıynshysy atandy. Ol soǵan qosa úzdik dıagonalshi retinde syılyq aldy. Sondaı-aq ýkraınalyq Volodımır Kovalchýk úzdik baılanystyrýshy, Vladımır Prokofev úzdik shabýylshy boldy.
Eske sala keteıik, budan buryn «Jaıyq» klýbynyń Ortalyq Azııa chempıonatynyń fınalyna shyqqanyn jazǵan edik.