Oraldyń «Jaıyǵy» birinshi lıganyń betashar oıynyn jeńispen ashty
ASTANA. KAZINFORM — Fýtboldan birinshi lıga komandalary arasynda Qazaqstan chempıonatynyń jańa maýsymdaǵy betashar oıyndary bastaldy.
Ótken jyly ekinshi lıgada oınap, birinshi topqa joldama alǵan Oraldyń «Jaıyǵy» jańa maýsymdaǵy alǵashqy matchyn syrt alańda «Aryspen» ótkizdi.
Oıyn taǵdyryn jalǵyz gol sheshti. 29-mınýtta «Jaıyqtyń» jartylaı qorǵaýshysy Temirlan Úmbetov alystan aıyp dobyn dál oryndaı bildi. Bul bıylǵy maýsymda birinshi lıgadaǵy alǵashqy gol edi.
Osylaısha, oraldyq maman Vıacheslav Nevolnıkovtiń shákirtteri chempıonatty sátti bastap, bastapqy úsh upaıǵa ıe boldy.
«Jaıyq» negizinen jergilikti fýtbolshylarǵa úmit artyp otyr. Olardyń qatarynda tájirıbeli oıynshylarmen qatar jastar da bar.
Oraldyqtar óz alańyndaǵy birinshi matchyn 8 sáýir kúni Qazaqstan kýbogy úshin Almatynyń «Qaıratymen» ótkizedi. Sodan keıin 16 sáýirde birinshi lıgada «Astana J» komandasyn qabyldaıdy.
Eske sala keteıik, budan buryn «Jaıyq» fýtbol klýbynyń birinshi lıgaǵa joldama alǵanyn jazǵan edik.
Sondaı-aq jekeshelendirilgen «Jaıyq» fýtbol klýbynda nendeı ózgerister bar ekeni habarlandy.
«Turan» fýtboldan birinshi lıga oıyndaryn sátsiz bastady.
