Oraldyń birqatar aýdany sýsyz qaldy
ORAL. KAZINFORM — Oral qalasynyń bir bóliginde salqyn sý berý toqtatyldy.
«Batys sý arnasy» JShS-dan málim etkenindeı, Zachagan kentindegi Shuǵyla — M.Móńkeuly kósheleriniń qıylysynda sý qubyryndaǵy apatty joıý jumystary júrgizilýde.
— Soǵan baılanysty № 39 kóterý sorǵy stantsııasynan sý berý toqtatylady. Atap aıtqanda, Qazaq aýyly, M.Móńkeuly, Kóktem, Sarytaý, Qus fabrıkasy aýdandary sýsyz qaldy. Sý shamamen 18 jeltoqsan kúni saǵat 19.00-den 21.00-ge deıin bolmaıdy, — dep habarlady vedomstvodan.
Bul — Zachagan kentindegi birinshi jaǵdaı emes. Buǵan deıin de qubyr jarylǵan bolatyn.
Eske sala keteıik, budan buryn qarasha aıynda Oralda taǵy da qubyr jarylyp, qalanyń bir bóligi sýsyz qalǵanyn jazǵan bolatynbyz.
