Oraldyq turǵyndar arzan turmystyq tehnıka alamyn dep 124 mln teńgesinen aıyryldy
ORAL. KAZINFORM – Oral qalasynyń mamandandyrylǵan tergeý sotynyń qaýlysymen 1991 jylǵy áıelge qatysty eki aı merzimge kúzetpen ustaý jónindegi bultartpaý sharasy qoldanyldy.
BQO sotynyń baspasóz qyzmetinen málim etkenindeı, atalmysh sot QR QK 190-baby 4-bóligi 2-tarmaǵyna (asa iri mólsherde jasalǵan alaıaqtyq) sáıkes Oral qalasynyń prokýrorynyń bultartpaý sharasyn qoldaný týraly ótinishhatyn qarap, qanaǵattandyrdy.
«Kúdikti 2023 jyldan bastap alaıaqtyq jolmen óziniń materıaldyq jaǵdaıyn jaqsartý maqsatynda arzan baǵada turmystyq-tehnıkalyq taýar alǵysy keletin adamdardy tapqan. Sosyn olardy aldaý arqyly aqshalaryn jymqyryp, alaıaqtyq jolmen 123 mln 994,370 myń teńge shyǵyn keltirgen», dep habarlady vedomstvodan.
Qazirgi kezde tergeý amaldary júrgizilýde.
Aıta keteıik, atalǵan bap boıynsha aıypty dep tanylǵan adam múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan on jylǵa deıingi merzimge aıyra otyryp nemese onsyz, al osy baptyń 3-bóligi 2-tarmaǵynda kózdelgen jaǵdaılarda belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyra otyryp, bes jyldan on jylǵa deıingi merzimge bas bostandyǵynan aıyrýǵa jazalanady.
