Oraldyq turǵyn jylyjaıda esirtki zattary bar ósimdik ósirgen

ORAL. KAZINFORM – Oral qalasynda polıtsııa qyzmetkerleri esirtki zattary bar ósimdikterdi zańsyz ósirý deregin anyqtady.

BQO polıtsııa departamentiniń baspasóz qyzmetinen málim etkenindeı, jedel izdestirý is-sharalary barysynda esirtki qylmystaryna qarsy is-qımyl basqarmasynyń qyzmetkerleri Oral qalasyndaǵy jeke turǵyn úıdiń aýlasynan esirtki zattary bar ósimdik ósirilgen eki jylyjaıdy anyqtady. 

- 55 jastaǵy jergilikti turǵyn jylyjaılarda zańsyz ósimdikter ósirip kelgen. Barlyǵy 37 túp ósimdik tárkilendi. Atalǵan derek boıynsha QR QK 300-baby 1-bóligine (quramynda esirtki zattar bar, ósirýge tyıym salynǵan ósimdikterdi zańsyz egip-ósirý) sáıkes qylmystyq is qozǵalyp, sotqa deıingi tergep-tekserý amaldary júrgizilýde, - dep habarlady vedomstvodan. 

Atalmysh bap boıynsha aıypty dep tanylǵan adam eki myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne alty júz saǵatqa deıingi merzimge qoǵamdyq jumystarǵa tartýǵa ne eki jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady.

Eske sala keteıik, budan buryn Oralda bopsalaýmen aınalysqan kolledj stýdentteri ustalǵanyn jazǵan edik.