Oraldan Túrkistanǵa reıster qaıta bastalady

ORAL. KAZINFORM — Mánshúk Mámetova atyndaǵy Oral halyqaralyq áýejaıynan 3 qańtardan bastap Túrkistanǵa ushaqtar qaıtadan ushady.

«Oral halyqaralyq áýejaıy» JShS-nyń baspasóz qyzmetinen málim etkenindeı, reıster aptasyna eki ret, sársenbi jáne senbi kúnderi oryndalady.
Elimizdiń rýhanı astanasyna ushýdy SCAT áýekompanııasy oryndaıtyn bolady. Reıster kúzgi-qysqy navıgatsııanyń sońyna deıin josparlanǵan.

- Biz úshin basty maqsattardyń biri suranysqa ıe ishki baǵyttar boıynsha tikeleı reısterdiń sanyn arttyrý bolyp tabylady. Sonyń biri Túrkistanǵa ushatyn reıs ekeni daýsyz, - dedi áýejaıdyń bas dırektory Damır Samıǵýllın.

Eske sala keteıik, budan buryn Oraldan Atyraýǵa ushatyn reıstiń toqtatylǵanyn jazǵan edik.