Oraldan Tashkentke qatynaıtyn áýe reısi toqtatyldy
ORAL. KAZINFORM — Oraldan Ózbekstan astanasy Tashkent qalasyna áýe reısi ushpaıtyn boldy.
«Oral halyqaralyq áýejaıy» JShS-nyń baspasóz qyzmetinen málim etkenindeı, Centrum Air áýe kompanııasy 5 shildeden bastap reısti toqtatqanyn habarlaǵan.
Sebebi — Oral men Tashkent arasynda qatynaıtyn jolaýshylar mardymsyz, túsip jatqan qarjy az.
Atalmysh kompanııa osy baǵyttaǵy tikeleı reısti bıylǵy 23 naýryzda ashqan bolatyn. Ushaq bastapqyda aptasyna eki ret qatynady. Keıin tek jeksenbi kúnderi ǵana ushty.
Eske sala keteıik, budan buryn Tashkent — Oral baǵytynda jańa áýe reısi ashylatynyn jazǵan edik.
Sondaı-aq Oraldan Atyraýǵa ushatyn reıs toqtatyldy.
