Oraldan Almatyǵa ushýy tıis FlyArystan ushaǵy 12 saǵatqa keshikti

ASTANA. QazAqparat - FlyArystan áýekompanııasynyń ushaǵy oryndaıtyn KC7166 Oral - Almaty reısi óndiristik qajettilikke baılanysty keshigip jatyr, dep habarlaıdy QazAqparat tilshisi.

«11 shilde kúni saǵat 21:00-de oryndalýy tıis KC7166 Oral - Almaty reısi óndiristik qajettilikke baılanysty keshiktirildi. Reıs Oral qalasynyń jergilikti ýaqyty boıynsha aldyn ala 12 shildedi saǵat 09:20-da ushady dep josparlanyp otyr», - delingen kompanııanyń baspasóz qyzmeti taratqan habarlamada.

Eske salaıyq, Azamattyq avıatsııa komıtetiniń málimetinshe, reıs 2 saǵattan artyq keshiktirilgen kezde jolaýshylarǵa sýsyndar, 5 mınýttan aspaıtyn 2 telefon qońyraýyn nemese 2 elektrondyq poshta habarlamasyn joldaý múmkindigi usynylady.

Al, 4 saǵattan artyq keshiktirilgende ystyq tamaq beriledi.

5 saǵattan asa keshiktirilgende bir ret tegin áýe bılettiń ýaqytyn ózgertý múmkindigi usynylady.