Oraldaǵy úsh dárihana dári-dármekti qymbatqa satqan

ORAL. QazAqparat - Oraldaǵy úsh dárihanada dári-dármekti kóterińki baǵamen satqan, dep habarlaıdy QazAqparat Qarjy monıtorıngi komıtetine silteme jasap.

Qarjy monıtorıngi komıtetiniń Batys Qazaqstan oblysy boıynsha Ekonomıkalyq tergeý departamentiniń qyzmetkerleri dárilik zattarǵa baǵany qymbattatýdyń 3 faktisin anyqtady.

Oral qalasynda úsh dárihanada «Ingavırın 90», «Ingavırın 60», «Arbıdol» dárilik zattaryn shekti qunynan asyra kóterińki baǵada satqan.

Dárilik preparattardy satý kezinde QR Densaýlyq saqtaý mınıstriniń «Bólshek jáne kóterme saýdada ótkizý úshin dárilik zattyń saýdalyq ataýyna shekti baǵalardy bekitý týraly» buıryǵynyń normalary buzylǵan.

Qazirgi tańda materıaldar Taýarlar men kórsetiletin qyzmetterdiń sapasy men qaýipsizdigin baqylaý departamentine aıypty tulǵalardy ákimshilik jaýapkershilikke tartý úshin joldandy.