Oraldaǵy túzetý mekemesinen jarylǵysh qurylǵyǵa uqsas zat tabyldy
ORAL. QazAqparat - Oraldaǵy túzetý mekemesinen jarylǵysh qurylǵyǵa uqsas zattyń tabylýyna baılanysty tergeý júrgizilýde, dep habarlaıdy QazAqparat tilshisi.
Batys Qazaqstan oblystyq polıtsııa departamentiniń baspasóz qyzmetinen túsken málimetke qaraǵanda, oqıǵa 29 naýryz kúni BQO boıynsha qylmystyq-atqarý júıesi departamentiniń RÝ-170/3 túzetý mekemesinde oryn aldy.
Atalǵan túzetý mekemesinen qoldan jasalǵan jarylǵysh qurylǵyǵa uqsas zat tabylǵan.
«Qazirgi kezde atalǵan derek boıynsha QR QK 287-babyna (qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) sáıkes sotqa deıingi tergeý amaldary júrgizilýde», dep habarlady BQO polıtsııa departamentiniń baspasóz qyzmeti.
