Oraldaǵy turǵyn úıde jaryqshaq paıda boldy
ASTANA. QazAqparat - Oralda toǵyz qabatty úıde jaryqshaq paıda boldy, dep habarlaıdy Moı GOROD basylymy.
Oralda «Kóktem» shaǵyn aýdanynyń turǵyndary jańa turǵyzylǵan úılerdiń sapasyna shaǵymdandy.
«Biz memlekettik qyzmetkerlerge arnalǵan baǵdarlama boıynsha kóship keldik, jańa páterde turamyz dep qýanyp edik. Biraq, qýanyshymyz alǵashqy jańbyrǵa deıin ǵana sozyldy. Shilde aıynda jańa páterge ornalastyq, al qyrkúıekte úıdiń tóbesinen sý aǵa bastady. Endi úıdiń sapasyz salynǵanyna kózimiz jetti. Alǵash ret aıaz túskende, balkon ishine muz qatty. Úıdi salǵan mekemege qansha ret barsaq ta, nátıje joq. Ashyq esik kúnderi ákimge de bardyq», - dedi jańa úıdiń turǵyny Farıda Luqpanova.
Turǵyndardyń aıtýynsha, úıdiń shetki buryshtarynda ornalasqan páterlerde syz bar.
«Bizdiń páterimiz buryshta ornalasqan. Qalaı qystap shyqqanymyzdy kórseńiz ǵoı. Dymqyl syzdan qyzymda allergııa paıda boldy», - dedi taǵy bir turǵyn Bıbihan Tólebaeva.
Jańa qonystanýshylar óz balkondaryna shyǵýǵa qorqady, sebebi onda sý jınalyp, sylaqtary túsip jatyr.
