Oraldaǵy tarıhı Han toǵaıy «Sayat» ortalyǵyna berildi
ORAL. QazAqparat - Oraldaǵy Han toǵaıy «Sayat» etnotýrıstik ortalyǵyna berildi, dep habarlaıdy QazAqparat tilshisi.
Batys Qazaqstan oblysy Tabıǵı resýrstar jáne tabıǵat paıdalanýdy retteý basqarmasy basshysynyń orynbasary Mahambet Ihsanǵalıdyń málim etkenindeı, bıyl konkýrs ótkizilip, úsh úmitkerdiń ishinen atalmysh ortalyq úzdik shyǵyp, Han toǵaıy bes jylǵa berildi.
Osyǵan oraı «Sayat» JShS-men kelisimshart jasalyp, soǵan sáıkes jumys jasalatyn bolady. Eń aldymen Han toǵaıyn tazartý, sanıtarlyq maqsatta aǵash kesý jumystary júrgiziledi. Jastarǵa týrıstik, sporttyq jáne áskerı baǵytta tárbıe berý úshin túrli sharalar uıymdastyrylady. Oblystyq bıýdjetke qarjy da túsedi.
Eń bastysy, ortalyq Han toǵaıynda órt qaýipsizdigin qamtamasyz etedi. Olarda óz tehnıkasy bar, áleýeti jetedi.
Ótken jyly Han toǵaıynda bir órt bolǵan edi.
Jalpy, ormanshylar ózderine qatysty aýmaqty aralap úlgere almaıdy. Mysaly, bir ormanshy kúnine 100 shaqyrymdy júrip ótýi kerek. Onyń ústine tehnıka eski ári jetispeıdi.
«Bıyl Perevalochnaıa dep atalatyn toǵaıdy da konkýrstyq negizde jeke qolǵa berý kózdelýde. Onda ótken jyly tórt órt oqıǵasy tirkeldi. Munyń bári órttiń aldyn alý, ormandy saqtaý úshin qolǵa alynýda», dedi Mahambet Ihsanǵalı.
