Oraldaǵy sán salondary men shashtarazdarda urlyq jıilep otyr
ORAL. QazAqparat - Oral qalasyndaǵy sán salondary men shashtarazdarda urlyq jıilep otyr, dep habarlaıdy «QazAqparat» tilshisi.
BQO ishki ister departamentiniń baspasóz qyzmetinen túsken málimetke qaraǵanda, bıyl jyl basynan beri osyndaı 17 qylmys tirkelse, sonyń beseýi ashyldy. Qalǵan 12-si boıynsha jedel izdestirý jumystary júrgizilýde. Qylmystardyń basym bóligi qańtar, aqpan aılarynda Qurmanǵazy kóshesi men Eýrazııa, Ábilqaıyr han dańǵyldary boıynda jasalǵan.
Jedel izdestirý jumystary barysynda 1983, 1986, 1992 jáne 1994 jylǵy azamattar ustaldy. Olardyń bári de - Oral qalasynyń turǵyndary. Sonyń ishinde tergeý ızolıatorynda otyrǵandardyń biri - 1986 jylǵy V-nyń basqa da osyndaı qylmystarǵa qatysy tergelýde.
