Oraldaǵy páterden 10 kún jatyp qalǵan erli-zaıyptynyń múrdesi tabyldy
ORAL. QazAqparat – Oral qalasyndaǵy páterlerdiń birinen erli-zaıyptynyń múrdesi tabyldy, dep habarlaıdy QazAqparat tilshisi.
Oral qalalyq polıtsııa basqarmasynyń bastyǵy Mırlan Áıkenovtiń aıtýynsha, oqıǵa búgin shamamen saǵat 11.00-de Gagarın kóshesi boıyndaǵy 3 qabatty úıde bolǵan.
Osyndaǵy páterden 54 jasar er jáne 52 jasar áıel adamnyń deneleri tabyldy.
«Múrdelerdiń jatyp qalǵanyna on kúndeı bolǵan. Zorlyq-zombylyq belgileri joq. Aldyn ala málimetke qaraǵanda, olar ýlanyp qalǵan sekildi. Ólimniń naqty sebebi saraptama qorytyndysynan keıin belgili bolady», dedi QazAqparat tilshisine M.Áıkenov.
