Oraldaǵy órtten bir adam kóz jumdy
ORAL. QazAqparat - Búgin Oraldaǵy toǵyz qabatty turǵyn úıde órt bolyp, bir adam kóz jumdy, dep habarlaıdy «QazAqparat» tilshisi.
BQO TJ departamentiniń baspasóz qyzmetinen alynǵan málimetke qaraǵanda, D.Qonaev shaǵynaýdany 68-úıdiń 17-páterinde (5-qabat) órt bolǵany jóninde habar saǵat 08.27-de túsken.
Oqıǵa ornynan 50 adam kóshirilse, sonyń 10-y - balalar. Qutqarylǵan 17 adamnyń úsheýi - balalar.
Aýmaǵy 25 sharshy metrdi qamtyǵan órttiń 09.29-da beti qaıtyp, 11.11-de tolyqtaı sóndirilgen. Oqıǵa oryn alǵan №17 páterden 1933 jylǵy zeınetker áıeldiń múrdesi tabylǵan.
Órttiń sebep-saldary, keltirilgen shyǵyn anyqtalý ústinde.
