Oraldaǵy Nazarbaev zııatkerlik mektebi shákirtteri Shymkentten jeńispen oraldy
ORAL. QazAqparat - Oraldaǵy Nazarbaev zııatkerlik mektebi komandasy Shymkent qalasynda márege jetken jelilik olımpıadadan jeńispen oraldy, dep habarlaıdy «QazAqparat» HAA tilshisi.
Atalmysh mekteptiń baspasóz hatshysy Aqmonshaq Jumaevanyń aıtýynsha, gýmanıtarlyq pánder baǵytyndaǵy bul olımpıadaǵa elimizdegi 20 zııatkerlik mektepten 250-den asa oqýshy qatysty. Ár óńirdegi zııatkerlik mektepterdiń bilimi tereń, oıy ushqyr oqýshylary bas qosqan myqtylardyń bilim jarysynda Oral qalasyndaǵy fızıka-matematıkalyq baǵyttaǵy Nazarbaev zııatkerlik mektebiniń shákirtteri 10 júldeli orynmen komandalyq esepte jeńimpaz atandy. Sóıtip olar qoǵamdyq-gýmanıtarlyq pánder boıynsha «Úzdik olımpıadalyq mektep» ataǵyn ıelendi.
Jekelegen pánder boıynsha Varvara Kachalo qazaq tilinen, Danııar Arystanov orys tili men ádebıetinen, Aısha Tuıaqova aǵylshyn tilinen birinshi oryndy enshiledi. Oǵan qosa Jansaıa Metenova qazaq tilinen, Sabına Aıǵaraeva orys tilinen, Talǵat Saǵyntaev Qazaqstan tarıhynan, Arýjan Ánýarova men Ázim Nurbergen quqyq negizderinen ekinshi orynǵa kóterildi. Al Aıdana Ábdeshova aǵylshyn jáne Raıymbek Maqsotov Qazaqstan tarıhy boıynsha úshinshi orynǵa taban tiredi.
Osy olımpıada jaratylystaný-matematıka baǵyty boıynsha Almatyda ótkizildi. Bul baǵyt boıynsha ınformatıka páninen Batyrhan Ábýhanov ekinshi, Erjan Jamashev úshinshi júldeni qanjyǵalaryna baılap qaıtty.
