Oraldaǵy mektep-ınternatta bir kúnde 12 bala aýyryp qaldy
ORAL. QazAqparat - Oraldaǵy mektep-ınternatta bir kúnde 12 bala aýyryp qaldy, dep habarlaıdy QazAqparat tilshisi.
Oblystyq bilim basqarmasynyń baspasóz hatshysy Úmit Jáńgirovanyń aıtýynsha, oqıǵa M.Ótemisuly atyndaǵy oblystyq saýyqtyrý mektep-ınternatynda 4 sáýir kúni keshkisin oryn aldy.
Saǵat 19.30-da 12 oqýshy jaǵdaıynyń nasharlaǵanyn aıtyp, shaǵymdanǵannan keıin mekteptiń medıtsınalyq ızolıatoryna jatqyzylǵan. Mektep dárigerleri barlyq em-sharany qabyldap, balalardy baqylaýǵa aldy. Osy mektep bekitilgen №6 emhanadan juqpaly aýrýlar dárigeri shaqyrtyldy.
Balalardyń jaǵdaıy qanaǵattanarlyq.
«5 sáýir kúni saǵat 16.30-daǵy jaǵdaı boıynsha ızolıatorda jedel respıratorlyq vırýstyq ınfektsııa (JRVI) dıagnozymen úsh oqýshy qaldy. Qalǵandary ınternatqa aýystyryldy», - dedi QazAqparat tilshisine Ú.Jáńgirova.
Oblystyq densaýlyq saqtaý basqarmasynyń baspasóz qyzmeti oqıǵa ornyna jedel járdemniń shaqyrylmaǵanyn jetkizdi.
