Oraldaǵy qurylys nysandarynda jergilikti materıaldar paıdalanylýda
ORAL. QazAqparat - Oblys ákimi Altaı Kólginov Oral qalasyndaǵy qurylys jumystarynyń barysymen tanysty, dep habarlaıdy QazAqparat tilshisi.
Aqtóbe kóshesinde Rýjeınıkov kóshesinen Kýznechnaıaǵa deıin jol kúrdeli jóndelýde. Merdiger uıym «Túrkistan Jol Servıs» JShS jumysyn sapaly ári merziminen buryn oryndaýda.
Sol sekildi Oral qalasynda Depo kópiri qaıta salynyp jatqany belgili. Qurylysy eki jylǵa eseptelgen kópir bıyl paıdalanýǵa berilmekshi. Sodan keıin «Omega» zaýyty aýdanyndaǵy osyndaı kópir buzylyp, qaıta salynady. Depo kópirin qaıta qurý jumystaryn «KA-Stroı LTD» JShS júrgizýde.
M.Mámetova atyndaǵy kóshe boıymen osy Depo kópirine deıingi aralyqtaǵy jol kúrdeli jóndelý ústinde. Munda da jumystyń basym bóligi atqarylǵan.
Qalada jylý magıstraldaryn qaıta qurý jumystary bıyl da jalǵasýda. Bul joly Ábýbákir Kerderi jáne M.Mámetova atyndaǵy kóshelerde jylý qubyrlary salynýda. Muny «Ýralskvodstroı» JShS atqarýda.
Nysandardy aralaǵan kezde óńir basshysy jumystar kezinde jergilikti qurylys materıaldarynyń paıdalanylýyna erekshe mán berdi. Sonymen qatar qurylys nysandaryn merziminde ári sapaly tapsyrý kerektigin atap kórsetti.
