Oraldaǵy kólik apaty: Zardap shekkenderge kómek kórsetiletin boldy
ORAL. QazAqparat - Oralda avtobýs pen «MAZ» júk kóliginiń soqtyǵysýyna baılanysty zardap shekkenderge kómek kórsetiledi, dep habarlaıdy «QazAqparat» tilshisi.
Batys Qazaqstan oblysynyń ákimi Altaı Kólginov Tvıtterdegi paraqshasynda qaza bolǵandardyń otbasylaryna kóńil aıtty. Sonymen qatar BQO ishki ister departamentiniń basshylyǵyna jol qaýipsizdigine baqylaý ornatýdy kúsheıtý jáne avtoparktermen jumysty shıratý tapsyryldy. Oral qalasy ákimdigi qaza tapqandardyń otbasylaryna qolushyn beredi.
Oral qalasy ákiminiń orynbasary Mırbolat Nurjanov bul máseleniń naqtylanyp jatqanyn jetkizdi.
Eske sala keteıik, avtobýs pen júk kóligi soqtyǵysyp, sonyń saldarynan eki adamnyń kóz jumyp, jeti kisiniń aýrýhanaǵa jatqyzylǵanyn keshe jazǵan bolatynbyz.
Oblystyq ishki ister departamentiniń baspasóz qyzmetinen túsken málimetke qaraǵanda, «MAZ-544065» avtokóliginiń júrgizýshisi Oral-Jelaev joly boıynda rýlge ıe bola almaı, qarsy betke shyǵyp ketip, №74 Trekın-Oral baǵytynda qatynaıtyn «PAZ-32054» avtobýsymen túıisken. Qazirgi kezde QR QK 345-baby 3-bóligine sáıkes qylmystyq is qozǵalyp,tergeý amaldary júrgizilýde.
