Oraldaǵy kisi ólimi: Aqtalǵan jasóspirimge qatysty sot úkimi ózgerissiz qaldyryldy
ORAL. QazAqparat - Batys Qazaqstan oblystyq soty qylmystyq ister jónindegi apellıatsııalyq sot alqasy budan buryn aqtalǵan jasóspirimge qatysty sot úkimin ózgerissiz qaldyrdy, dep habarlaıdy «QazAqparat» tilshisi.
BQO sotynyń baspasóz qyzmetinen túsken málimetke qaraǵanda, 17 jasar Danııl Romanov qarbyz satýmen aınalysqan 21 jasar turǵyndy óltirdi dep aıyptalǵan bolatyn.
Apellıatsııalyq sot alqasy QR Qylmystyq is júrgizý kodeksi 431-baby 1-bóligin basshylyqqa ala otyryp, birinshi satydaǵy sot úkimin ózgerissiz, apellıatsııalyq shaǵym men prokýrordyń ótinishin qanaǵattandyrýsyz qaldyrdy. Osylaısha, Qylmystyq ister jónindegi mamandandyrylǵan aýdanaralyq sotynyń bıylǵy 16 qańtardaǵy Danııl Romanovqa qatysty aqtaý úkimi men oblystyq ishki ister departamenti basshylyǵy men tergeý prokýrory atyna shyǵarylǵan jeke uıǵarym ózgerissiz qaldy.
Eske sala keteıik, Oralda saıajaı aýmaǵynda 21 jasar jigittiń múrdesi tabylǵany jóninde budan buryn jazǵan bolatynbyz.
