Oraldaǵy qarttar úıiniń bir turǵyny ekinshisin pyshaqtap óltirdi
ORAL. QazAqparat - Oral arnaýly áleýmettik qyzmet kórsetý ortalyǵynda (qarttar men múgedekter úıinde) er adam pyshaq jaraqatynan kóz jumdy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa búgin tús mezgilinde oryn aldy.
Jedel járdemge shaqyrtý saǵat 13.42-de túsip, brıgada 13.47-de jetken.
Keýde tusynan pyshaq jaraqatyn alǵan 1957 jylǵy er adam jedel járdem kelgenge deıin qaıtys bolǵan.
BQO ishki ister departamentiniń baspasóz qyzmeti bolǵan oqıǵany rastap, naqty málimettiń keıin beriletinin jetkizdi.
Sonda turatyn er adam ekinshisin pyshaqtap tastaǵan.
Qazirgi kezde oqıǵa ornynda tergeý toby jumys jasaýda. Polıtsııa qyzmetkerleriniń sózine qaraǵanda, 1947 jylǵy Qanat Qojbanov pen 1957 jylǵy Jomart Óteǵalıev bir bólmede turǵan. Bir-birimen sózge kelip, Qanat ekinshisin ishinen pyshaqtap tastaǵan.
