Oraldaǵy Eýrazııa dańǵyly Abaı dańǵyly bolyp ózgerdi

ORAL. QazAqparat – Oraldaǵy Eýrazııa dańǵyly Abaı dańǵyly bolyp ózgerdi. Bul týraly sheshim búgin oblystyq máslıhattyń kezekten tys 37-sessııasynda qabyldandy, dep habarlaıdy QazAqparat tilshisi.

Oblystyq máslıhat hatshysy Málik Qulshardyń málim etkenindeı, atalǵan másele depýtattar tarapynan biraýyzdan qoldaý tapty.

BQO ákimdigi men oblystyq máslıhattyń birlesken qaýlysy men sheshimi tirkeý úshin oblystyq ádilet departamentine joldandy.

Osylaısha Oraldaǵy ortalyq dańǵyldyń biri uly aqynnyń esimimen atalatyn boldy.

Eske sala keteıik, budan buryn Oraldaǵy ortalyq dańǵyldardyń birine Abaıdyń esimin berý usynylǵanyn, Halyq qaharmany Hıýaz Dospanova atyndaǵy kóshe ashylǵanyn jazǵan bolatynbyz .