Oraldaǵy blokpostta júk kóligi polıtsııany qaǵyp ketti
ORAL. QazAqparat – Oralda «GAZel» avtokóligi blokpostta toqtamaı, polıtsııa qyzmetkeri zardap shekti, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa 6 mamyr kúni saǵat 14.00-de Jelaev kentindegi №9 blokpostta boldy.
Báıterek aýdany Trekın aýylynda turatyn 1986 jylǵy júrgizýshi blokposttyń shlagbaýmynan óter kezde polıtsııa kishi leıtenanty Aqjol Іzbasarovtyń toqtaý jónindegi zańdy talabyna baǵynbaǵan.
Sonyń saldarynan polıtsııa qyzmetkeriniń sol jaq tabanyn basyp ketken.
Sodan keıin oblystyq aýrýhananyń jaraqat pýnktine jetkizilgen A.Іzbasarovqa sol jaq tabany kógergen degen dıagnoz qoıylyp, dáriger qaraǵannan keıin úıine jiberildi.
«Júrgizýshige qatysty QR Ákimshilik quqyqbuzýshylyq kodeksiniń 610-babyna (júrgizýshiniń adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine ákep soqqan jol júrisi qaǵıdalaryn buzýy) sáıkes ákimshilik hattama toltyryldy. Medıtsınalyq kýálandyrýǵa sáıkes júrgizýshi aıyq bolǵan», dedi QazAqparat tilshisine B.Bolatbekov.
Aıta keteıik, 23 jastaǵy A.Іzbasarov ishki ister salasynda 2018 jyldan beri qyzmet atqaryp keledi.
