Oraldaǵy Mánshúk Mámetova atyndaǵy halyqaralyq áýejaı jóndelip jatyr

ORAL. KAZINFORM — Mánshúk Mámetova atyndaǵy Oral halyqaralyq áýejaıynyń ushý-qoný jolaǵynda deformatsııalyq jikterdi jóndeý bastaldy.

«Oral halyqaralyq áýejaıy» JShS-nyń baspasóz qyzmetinen málim etkenindeı, jóndeý jumystaryn áýejaı mamandary, sondaı-aq «OralJolStroı» mamandandyrylǵan uıymynyń qyzmetkerleri júrgizýde.

Áýeli áýejaı mamandarynyń kúshimen jikter tazalanǵan.

Áýejaıdan túsken málimetke qaraǵanda, búgin merdiger uıymnyń qyzmetkerleri jikterdi germetızatsııalaýǵa kiristi. Jospar boıynsha qoldanystaǵy ushý-qoný jolaǵynda 17 myń metrden astam qysý tigisteri jóndeledi.

Áýejaıdyń ótkizý qabileti men qalypty jumysyn buzbaý úshin reıster arasynda arnaıy bólingen tehnologııalyq «terezelerde» jumys isteý týraly sheshim qabyldanǵan.

«Jikterdi jóndeý – bul birneshe kezeńdi qamtıtyn kúrdeli jáne aýqymdy protsess. Eń aldymen qysý jikteriniń qoldanystaǵy tumshalaýyshy bólshektenedi. Odan keıin kameranyń qabyrǵalaryn mehanıkalyq ádispen tazartý, jikti syǵylǵan aýamen úrleý, jikti sýmen shaıý, tyǵyzdaǵysh baýmen toltyrý jumystary atqarylady. Ol úshin kóbikti polıetılennen jasalǵan ystyqqa tózimdi tyǵyzdaǵysh baý qoldanyldy. Jiktiń qabyrǵalaryn arnaıy qurammen óńdegennen keıin ol bıtým-polımerli qospamen toltyrylady. Jumystyń tehnologııasy men sapasy qoldanystaǵy qurylys normalary men erejelerine tolyq sáıkes keledi. Barlyq paıdalanylatyn materıaldar sáıkestik sertıfıkatyna ıe jáne áýeaılaqtardy paıdalaný jáne aǵymdaǵy jóndeýge arnalǵan materıaldar tizbesine engizilgen», - dep habarlady vedomstvodan.

Eske sala keteıik, budan buryn Oraldan Shymkentke ushaqtar qatynaı bastaǵanyn jazǵan bolatynbyz.