Oraldaǵy kıik mıgratsııasy: Reseımen shekaradaǵy qorshaýlardy ashý máselesi talqylandy
ASTANA. KAZINFORM - QR Ekologııa jáne tabıǵı resýrstar mınıstri Erlan Nysanbaev Batys Qazaqstan oblysy ákiminiń orynbasary Qalııar Aıtmuhambetovpen BQO Jánibek aýdanynda aýyl sharýashylyǵy taýaróndirýshilerimen kezdesý ótkizdi, dep habarlaıdy atalǵan vedomstvonyń baspasóz qyzmeti.
Kezdesý barysynda fermerlerdi mazalap otyrǵan máseleniń biri kıikterdiń egistik jáne shabyndyq jerleriniń taptalýy talqylanyp, sharýalardyń usynystary qarastyryldy.
Óz kezeginde mınıstr sharýa qojalyqtary jerlerine kıikter taptaýynan keltirilip otyrǵan qysymdy azaıtý jáne aldyn alý maqsatynda mınıstrlik tarapynan birqatar sharalar josparlanyp otyrǵany týraly jetkizdi.
Sonymen qatar, Erlan Nysanbaev Jánibek aýdanynda Reseı Federatsııasynyń tabıǵı resýrstar jáne ekologııa mınıstrliginiń ókilderimen kezdesti. Kezdesý barysynda kıikterdiń oral popýlıatsııasy mezgildik mıgratsııasyna kedergi bolyp turǵan shekaralyq qorshaýlarda ótkelder ashý máselesi talqylandy.
