Oraldaǵy dámhanalardyń birinde órt shyǵyp, 200 sharshy metr aýmaqty sharpydy

ORAL. KAZINFORM – Oral qalasynda qoǵamdyq tamaqtaný nysandarynyń birinde shyqqan órt tolyq sóndirildi, dep habarlaıdy Tótenshe jaǵdaılar qyzmeti.

Búgin «112» pýltine Jeltoqsan kóshesinde ornalasqan dámhanalardyń birinde órt shyqqany týraly habar túsken. Oqıǵa ornyna jetken alǵashqy órt sóndirý bólimsheleri kelgen kezde ǵımaratty jalyn sharpyǵan.

Órttiń jalpy aýmaǵy shamamen 200 sharshy metrdi qurady.

- Qutqarýshylar joǵary qaýip jaǵdaıynda jumys istedi. Órtti sóndirý barysynda ǵımarat ishinen syıymdylyǵy 40 lıtr bolatyn eki ottegi ballony shyǵarylyp, jarylys qaýpiniń aldyn alyndy, - delingen aqparatta.

Tótenshe jaǵdaılar qyzmetiniń málimetinshe, órt tolyq joıyldy. Zardap shekkender joq.

Aıta keteıik, BQO-da órt kezinde qaza tapqan 9 adamnyń jeteýi mas kúıinde bolǵan.