Oraldaǵy bazardan zańsyz saýdaǵa túsken 8 myńnan astam qorap temeki ónimi tárkilendi
ORAL. KAZINFORM – BQO boıynsha memlekettik kirister departamentiniń aýmaqtyq bólimsheleri júrgizgen reıdtik is-sharalar barysynda «Mırlan» bazary men «Aıajan» saýda úıi aýmaǵynda sáıkestendirý quraldary men esepke alý-baqylaý markalary joq temeki ónimderin zańsyz satý derekteri anyqtaldy.
BQO boıynsha memlekettik kirister departamentiniń baspasóz qyzmetinen málim etkenindeı, tekserý nátıjesinde 8 236 qorap aktsızdik ónim tárkilendi.
- Anyqtalǵan derekter boıynsha ákimshilik is materıaldary túzilip, protsessýaldyq sheshim qabyldaý úshin sotqa joldandy. Departament esepke alý-baqylaý markalarynsyz temeki ónimderin satý QR zańnamasynyń buzylýy bolyp esepteletinin eske salady. Zańnama buzǵandar QR Ákimshilik quqyq buzýshylyq týraly kodekske sáıkes jaýapqa tartylady. Turǵyndarǵa aıtarymyz, tek zańdy ónimdi satyp alý kerek. Bul – adamdardyń densaýlyǵy úshin mańyzdy, - dep habarlady vedomstvodan.
Eske sala keteıik, budan buryn BQO shekarasynda 2 500 qorap temeki ónimderi zańsyz tasymaldaýdyń joly kesilgenin jazǵan edik.