Týǵan jerine barǵan Baıan Alagózova Oraldaǵy saıabaqtyń qarańǵylyǵyna shaǵymdandy
ORAL. KAZINFORM — Oral qalasynyń ortalyǵynda ornalasqan Juban Moldaǵalıev baǵynyń keshkisin qap-qarańǵy bolyp turǵany jóninde áleýmettik jelide beınejazba jarııalandy.
Prodıýser Baıan Alagózovanyń Instagram áleýmettik jelisinde málim etkenindeı, týǵan qalasy – Oralǵa kelgende, ókinishti jaıǵa tap bolǵan.
-Mine – pedagogıkalyq ýchılışege qarsy ornalasqan meniń týǵan parkim. Qap-qarańǵy. Qalanyń qaq ortasy ǵoı. Shahar turǵyndary men qonaqtary úshin jaryqtandyryńyzdarshy. Oral, ákimdik, jaýap berińizder! – dedi B.Alagózova.
Osyǵan oraı Oral qalasy ákimdigi jaýap berdi.
Ákimdik málimetine qaraǵanda, qazirgi kezde Juban Moldaǵalıev atyndaǵy skverde kósheni jaryqtandyrý úshin torsherler aýystyrylyp jatyr.
- Taıaý kúnderi jumystar aıaqtalyp, jaryqtandyrý qalpyna keltiriledi. Qalada qoǵamdyq keńistikter men skverlerdi abattandyrý jalǵasyp jatyr. Olardyń bári qazirgi zamanǵy jaryqtandyrýmen jáne qalalyqtar úshin qolaıly ınfraqurylymmen qamtamasyz etilgen, - delingen resmı jaýapta.
Qala ákimdiginiń málimeti boıynsha, Oralda kúni búgin 57 skver men demalys orny bolsa, sonyń 41-i jóndelip, retke keltirilgen.
Bıyl Jaıyq ózeni jaǵalaýyn qaıta qurýǵa 1,3 mlrd teńge jumsaldy. Sonymen qatar N.Nekrasov (384 mln teńge) jáne Jýrnalıster (175 mln teńge) skverleri qaıta jańartyldy.
Eske sala keteıik, budan buryn ekologtyń ár qalada kólemi 30 gektar bir park salynsa, artyq bolmaıtyny jóninde aıtqanyn jazǵan edik.