Oralda zırattan náresteniń denesi tabyldy
ASTANA. QazAqparat - Oral qalasynda mektep oqýshylary eski zırat aýmaǵynan jańa týǵan sábıdiń denesin taýyp aldy, dep habarlaıdy QazAqparat «Moı GOROD» portalyna silteme jasap.
Málim bolǵandaı, Derqul kentinde oqýshylar oppy qardan balanyń máıitin taýyp alyp, mańaıdaǵy adamdardy shaqyra bastaǵan.
Gınııat Mámbetovtyń aıtýynsha, ol jumystan kele jatyp, oqýshylardy baıqaǵan.
«Olarǵa taıanǵanymda, qarda balanyń jatqanyn aıtty. Jaqynyraq qarap edim, jańa týǵan náresteniń denesi ekenin túsindim. Ol shúberekke oralǵan edi. Zırat kúzetine júgirip baryp, polıtseılerdi shaqyrdyq», - deıdi Gınııat Mámbetov.
Balany kim jáne qashan tastap ketkeni ázirge belgisiz. Polıtseıler mán-jaıdy anyqtaýǵa kiristi.
