Oralda jylý-qýat ortalyǵynda qaıta qurý jumystary júrgiziledi
Oblys ákiminiń orynbasary Temirhan Meńdiǵalıevtiń óńirlik kommýnıkatsııalar qyzmeti alańynda ótken brıfıngide málim etkenindeı, ortalyqty jańǵyrtý aıasynda týrbınalyq agregat pen gradırnıany qaıta qurý boıynsha eki joba júzege asyrylýda.
Onyń sózine qaraǵanda, kúni búgin týrbınalyq agregat pen onyń qosalqy jabdyqary alynǵan. Jýyq arada týrbınany ornatý jumystary bastalmaqshy.
Jumys kestesine sáıkes týrbınany aldaǵy jyldyń mamyr aıynda paıdalanýǵa berý kózdelýde. Bul týrbınalyq qondyrǵyny aýystyrý óndiriletin elektr qýatyn 12 MVt kóleminde ulǵaıtady. ıAǵnı jalpy elektr qýaty 58 MVt-ǵa jetpekshi.
Sondaı-aq gradırnıany ornatý úshin avtomattandyrylǵan basqarý júıesiniń blogy jáne jıyntyq-transformatorlyq qosalqy stansa ornatyldy, sý qubyrlary tolyǵymyn tóseldi. Gradırnıanyń ózi 2023 jyldyń qańtarynda ortalyqqa jetkizilip, naýryz aıynda iske qosylmaqshy.
«Alaıda bul jylý-qýat ortalyǵyn tolyq jańǵyrtý máselesin sheshpeıdi. Jylý qýatynyń tómen tarıfine baılanysty kásiporyn barlyq shyǵyndardy, sonyń ishinde qazandyq agregattary sııaqty negizgi jabdyqtarǵa ketetin shyǵyndy jaba almaıdy. Oǵan qosa kommýnaldyq qyzmettiń tómen tarıfi qyzmetkerlerdiń jalaqysyna da áser etedi. Sonymen qatar Oral qalasynda №2 jáne №5 jylý magıstraldaryn qaıta jańartý qajettiligi týyndap otyr. Qazirgi ýaqytta jobalaý-smetalyq qujattamasy daıyndalýda, sodan keıin bıýdjettik ótinimder respýblıkalyq bıýdjetten qarajat bólý úshin jiberiletin bolady», dedi T.Meńdiǵalıev.
Eske sala keteıik, budan buryn Batys Qazaqstanda iri qara sany 790 myńǵa jetkenin jazǵan bolatynbyz.