Oralda jyl sońyna deıin 50 myń túp aǵash otyrǵyzylmaq
ORAL. QazAqparat - Búgin Oralda jalpyhalyqtyq senbilik kezinde aǵash otyrǵyzý men sanıtarlyq tazalaý jumystaryna 11 myńdaı turǵyn qatysty.
Olardyń arasynda qala kásiporyn-mekemeleri men memlekettik organdar qyzmetkerleri, joǵary jáne arnaýly orta oqý oryndarynyń stýdentteri bar.
Oblys ákimi Altaı Kólginov qala basshysy Narıman Tóreǵalıev, oblystyq jáne qalalyq máslıhat depýtattarymen, ardagerler men jastar birlestikteri kóshbasshylarymen jáne halyqaralyq «Kórshiler-Sosedı-2016» Qazaqstan-Reseı jastary lageri delegattarymen birge 7-inshi jáne 9-shaǵynaýdan aralyǵyndaǵy jańa alań mańyndaǵy kóshege 400 túpteı aǵash otyrǵyzýǵa qatysty.
Sondaı-aq stýdent jastar Saraıshyq kóshesinde 1500 sharshy metr kógoraıda jumystandy.
Bir aıta keterligi, bul joly buryn otyrǵyzylmaǵan jańa aǵash túrlerine basymdylyq berildi.
Jyl sońyna deıin oblys ortalyǵynda 50 myń túp aǵash otyrǵyzý kózdelse, sonyń 10 myńy jańa alańda oryn teppek. 
