Oralda júrgizýshi áıel polıtseıler otyrǵan kólikpen soqtyǵysty
ORAL. QazAqparat - Búgin tańerteń Oral qalasyndaǵy Depo kóshesinde jol-kólik oqıǵasy bolyp, úsh adam jaraqat aldy, dep habarlaıdy QazAqparat tilshisi.
Oqıǵa kýágerleriniń sózine qaraǵanda, «Reno» avtokóligin tizgindegen áıel qarsy betke shyǵyp ketip, rýlinde polıtsııa qyzmetkeri otyrǵan «Folksvagen Passat» avtokóligimen soqtyǵysqan. Sońǵy kólikte jolaýshy retinde taǵy bir polıtsııa qyzmetkeri men áıel adam bolǵan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jol apaty saldarynan 1987 jylǵy áıel adam, 1977 jáne 1974 jylǵy eki er adam jaraqat aldy. Olardyń úsheýi de oblystyq klınıkalyq aýrýhanaǵa jetkizildi. Áıeldiń bilek súıegi synǵan. Polıtsııa qyzmetkeriniń biriniń jilinshigi synsa, eknshisine jabyq bas-mı jaraqaty degen aldyn ala dıagnoz qoıylǵan.
Qazirgi kezde oqıǵanyń mán-jaıy anyqtalyp jatyr.
