Oralda jumyspen qamtý bóliminiń basshysyna 1,2 mln. jýyq teńge aıyppul salyndy
ORAL. QazAqparat - Oral qalalyq sotynyń 5 mamyr kúngi úkimimen jumyspen qamtý jáne áleýmettik baǵdarlamalar bóliminiń burynǵy basshysy Aıgúl Tókesheva QR QK 189-baby 3-bóligi 2-tarmaǵyna sáıkes (senip tapsyrylǵan múlikti rásýalaý jáne jymqyrý) aıypty dep tanylyp, oǵan múlkin tárkileýmen birge 600 AEK kóleminde (1 189,2 myń teńge) aıyppul salyndy.
Oral qalalyq sotynan túsken málimetke qaraǵanda, ol sonymen qatar ómir boıyna memlekettik organdarda laýazymdy qyzmet atqarý quqyǵynan aıyryldy.
Sot talqysynda belgili bolǵanyndaı, A.Tókesheva qalalyq jumyspen qamtý jáne áleýmettik baǵdarlamalar bóliminiń basshysy qyzmetin atqara júrip, belgili bir turaǵy joq adamdarǵa arnalǵan áleýmettik beıimdeý ortalyǵy dırektorynyń orynbasary S. jáne qyzmetkerleri N. men B-nyń áleýmettik kómekke muqtaj jandar sanatyna jatpaıtynyn bile tura, olardy áleýmettik kómek alýǵa ótinish bildirgenderdiń tizimine qosýǵa zańsyz nusqaý bergen. Keıin olardyń esepshotyna túsken qarjy qolma-qol aqshaǵa aınaldyrylyp, A.Tókeshevaǵa berilip otyrǵan.
Sot úkimi zańdy kúshine engen joq.
