Oralda jumysqa shyǵyp, joǵalyp ketken er adam tabylmaı jatyr
ORAL. KAZINFORM - Oral qalasynda 48 jastaǵy er adam 6 tamyzda úıinen shyǵyp ketkennen oralmaǵan.
BQO polıtsııa departamentiniń baspasóz qyzmetinen málim etkenindeı, 16 tamyz kúni 1975 jylǵy Orynbasar Adıotollauly Sıpattalovtyń áıeli polıtsııaǵa aryzben júgingen.
Áıeldiń aıtýynsha, kúıeýi 6 tamyzda saǵat 09.30-da jumysqa ketip, osy ýaqytqa deıin kelmegen.
«BQO polıtsııa departamentiniń barlyq jeke quramy osy azamatty izdestirýge baǵyttalǵan. Qazirgi kezde er adamdy tabý úshin jedel izdestirý is-sharalary júrgizilýde. Eger atalǵan adam týraly málimet bilgender polıtsııaǵa 102 nómiri arqyly habarlasýy suralady», - delingen departament bergen resmı aqparatta.
Eske sala keteıik, budan buryn BQO-da joǵalyp ketken 21 jastaǵy stýdentti óltirgen kúdikti ustalǵanyn jazǵan bolatynbyz.
